I wrote this as a Valentine post on February of 2006 sa Confessions ni Ella, my first blog. Some of you might remember this. My posts are still intact but the blog is now private. I was only 22 when I did this one. Hindi pa nagkaka-boypren, virgin pa sa pag-ibig 
Ngayon, I’m a bride-to-be. And before my beloved fiance came into my life, nabiktima na ako ng pana ni kupido twice. Kinilig, nagmahal, nag-inarte, nag-drama, lumuha ng balde-balde…twice…in that order. Apat na taon lang ang lumipas pero feeling ko tumanda na ako sa larangan ng pag-ibig.
When I reread this post, na-realize ko, ‘yon pa rin ang pananaw ko. Walang nagbago. I’m inviting you to take a peek at love sa mga mata ko noong araw, four years ago…
Maganda ba?”….. “Hmmm….mabait.”
“Pogi ba? .… “Hmm…mabait siya”. Sa ganitong mga banat ako tawang-tawa. Pero ‘pag mainit ang ulo ko, inis na inis naman ako. “Read my lips, please! P-o-g-i ang sabi ko, hindi santo.” Minsan may ganito pa. “Scale of 1-10?”…. “Hmmm….matangkad”. Ang layo na nun, ah.
Ewan ko ba kung bakit hindi masagot ng mga Pinoy nang deretso ang ganitong klaseng tanong. In the first place, bakit naman kailangang itanong? Maxi, my dear, ito ang aking suggestion for your first topic sa blogkada forum:
Mahalaga ba ang physical attributes ng lalaki o babaeng balak mong maging partner sa buhay at bakit?
At dahil malapit na ang Araw ng mga Puso, we want honest to goodness answers. Walang “hmmm…mabait” at “hmmm….matangkad”, please.
Sasagutin ko naman ang sarili kong tanong. Mahalaga sa akin ang “gene pool”. I know, I know, hindi natuturuan ang puso.
Ang pag-aasawa, ika nga ng matatanda ay walang pinag-iba sa akyat-bahay. Wala kang kamalay-malay sa pagkakahimbing, ubos na pala ‘yung mga hinuhulugan mong appliances. Sa pag-ibig, wala ka ring kalaban-laban kay kupido. There ought to be a law. Bawal bigyan ng pana ang mga batang may pakpak.
ATTRACTION
‘Yan siguro ang unang step. Hindi ako naniniwalang “beauty is in the eyes of the beholder”. Hindi kasali rito ‘yung mga cultures na naglalagay ng plato sa bibig o makapal na alambre para humaba ang mga leeg na parang pato.
Beauty is universal. It’s but natural na mapansin natin ang mga taong may “dating”. Sa aminin ninyo o hindi, kaya nagkakaroon ng spark of interest ay dahil may nakita kayong maganda sa isang tao. Wow, ang ganda ng legs niya! Ang ganda ng mukha, ng buhok, ng mata, ng ilong, ng skin, ng boobs. Pati tambok ng puwet, sukatan na rin ng ganda.
Wala pa akong narinig na nagsabi ng ganito: “Type ko siya kasi ang laki ng butas ng ilong niya.” Naku, ha, kahi’t pangit ang lahat ng parte ng mukha at katawan, may hahanapin pa ring maganda. “Na-attract ako sa pustiso niya eh. Mukhang totoong ipen”. O, ‘di ba?
NEXT, ANG PERSONALITY
Opposite poles attract, one of the laws of physics. Also true sa ugali ng tao. Kaya nga may mga telenovela, eh. Kung ano ‘yung wala ka, natural, ‘yun ang hahanapin mo sa iba.
Pag medyo mababa ang IQ, nai-impress sa matatalino. Kung sino ‘yung pangit (pasensiya na po sa kasalbahihan ko) siya naman ang sobrang hilig sa maganda o pogi! ‘Yung mga silent type, naaaliw sa makukulit. ‘Yung mga salat sa salapi, naa-attract sa laman ng bulsa. Paradahan lang ng kotse, kahi’t pinsan ni King Kong, nagiging mukhang artista na.
To reiterate, in the end, wala pa rin tayong laban sa pana ni kupido. But first, some physical or abstract part of his or her personality should have caught your attention para tumalab ang nasabing pana.
PRIMING OR PREPPING
ika nga. Dapat “mapansin” mo muna siya. Dito na papasok ‘yung “common interests”. Kailangan nasa iisang lugar kayo, pursuing the same interests or activities bago kayo parehong ma-target ng makulit na pana, ‘di ba?
Maging asawa ko kaya ang soul mate kong si Pedro na nasa kabilang panig ng mundo? Mukhang imposible unless sumakay siya ng eroplano, barko, jeep, tricycle at kung ano-ano pa para makarating lang sa akin.
On the other hand, may tsansa kaya ako kay Kenji kahi’t may mahal na siyang iba? (hehe ang lakas magparinig, ah). O kay tikiboy kahit ayaw niyang mag-asawa? (ilag, tikiboy haha!). Meron, ‘di ba? Kasi nagkikita kami lagi sa internet. Kaya nga maraming cyber romance eh. O, kenji at tikiboy, baka naman maglaho kayong parang bula ah. Teka, nasaan na ba ako? Ah, oo nga pala, sa common interests. Self-explanatory naman ito, eh.
So, at last, to answer my own question….
Yes, Virginia. Mahalaga sa akin ang physical and mental attributes in choosing my future partner in life, the gene pool I was talking about. There is such a thing as progeny.
Ayokong magkaroon ng mga anak na ako lang ang magsasabing pagkagaganda! Ayokong magpa-aral ng mga anak habang-buhay (dahil 20 lang ang IQ, nasa talampakan pa). Ayokong masisi ng mga anak ko balang araw dahil kailangang ipa-repair pa ang mga ilong nila.
But, alas! May hinala akong kakainin ko lahat ang mga sinabi ko kapag dumating na si Pedro. For the simple reason that we don’t fall in love because blah blah blah. We just do.
Happy Valentines’s Day to you and your one and only, my friends!
posted by Ella at 3:49 AM | 47 comment(s) 
nice one...
pero Im hoping na sana...
Si Emily at alasais blogerts. I’m such a loser pagdating sa social media. 
